Krijimi i SOS kopshtit të Fëmijëve

Kopshti SOS- Hermann Gmeiner  filloi funksionimin e tij në 1 tetor të vitit 1995. Kopështi është liçesuar nga Ministria Arsimit dhe Shkencës si një kopësht jo publik.

Ai  mori emrin “Hermann Gmeiner” sipas themeluesit të SOS Fshatrave të Fëmijëve .

Misioni

Ne sigurojmë shërbim edukativ në përputhje me nevojat e fëmijës dhe të komunitetit, duke  siguruar suksesin ndërmjet një stafi të kualifikuar, një ambjenti të përshtatshëm të mësuari dhe partneritetit me familjet, komunitetit dhe shkollën.

Ne sigurojme  sherbim edukativ ne perputhje me nevojat e femijes.

Çdo fëmijë ka mundësinë të arrijë potencialet e tij maksimale në një ambjent të sigurtë, të kujdesshëm dhe të respektueshëm ku argëtimi është pjesë e të mësuarit.

Ne sigurojmë shërbim edukativ në përputhje me nevojat e komunitetit.

SOS kopshti vlerëson dhe njeh nevojat e komunitetit dhe përshtat shërbimin e tij për komunitetin.

Ne sigurojme suksesin nëpërmjet një stafi të kualifikuar

Ne kualifikojmë edukatorët në përputhje me nevojat e tyre, në mënyrë që ata të përmbushin rolin e tyre për të ndihmuar të gjithë fëmijët të arrijnë potencialet e tyre të plota.

Ne sigurojmë suksesin nëpërmjet një ambjenti të përshtatshëm të mësuari.

Ne krijojmë ambjent të sigurt dhe të kujdesshëm ku në qendër të vëmendjes është fëmija. Aplikohet metodologjia me  në qendër fëmijën dhe krijohet një ambjenti të mësuari që nxit arritjet e fëmijëve.

Ne sigurojmë suksesin nëpërmjet  partneritetit me familjen,  komunitetin dhe shkollën

Marrëdhëniet që krijohen me familjen , komunitetin , shkollën karakterizohen nga respekti, ndershmëria dhe besueshmëria. Një marrëdhënie e tillë dhe nje komunikim i mirë është esenciale për suksesin e fëmijës

Vizioni

çdo fëmijë ka shanse te barabarta edukimi dhe zhvillon shprehitë, njohuritë e duhura, dëshirën për të mësuar si rezultat i   bashkëpunimit familje- kopësht-komunitet.

• Çdo fëmijë ka shanse të barabarta edukimi.

SOS kopshti  respekton të drejtën e çdo fëmijë për t’u edukuar, pa asnjë lloj diskriminimi race, feje dhe background-i social – kulturor. Fëmijët me nevoja te vecanta  kanë të drejtën për kujdes dhe edukim së bashku me fëmijët e tjerë që  nuk shfaqin të tilla vështirësi. Diversiteti i fëmijëve do t’i krijojë mundësinë atyre të njohin varietete të ndryshme të personaliteteve të fëmijëve dhe më tej të gjejnë një temperament të pëlqyeshëm me të cilin të mund të krijojë lidhje – marrëdhënie.

Çdo fëmijë zhvillon shprehitë,njohuritë e duhura, dëshirën për të mësuar .

Fëmija përfiton shprehitë e duhura fizike dhe sociale. Fëmija zhvillon shprehitë e duhura për vetëkujdesjen dhe vetshërbimin si  edhe i krijohet një ambjent i përshtatshëm për t’u socializuar.

Fëmija zhvillohet rrjedhim i bashkëpunimit familje, kopësht, komunitet.

Kopshti ynë  ekziston për të edukuar fëmijët në bashkepunim me familjet, drejt rrugës për t’u bërë qytetarë të përgjegjshëm. Ne  besojmë në komunikimin e hapur dhe pozitiv dhe në një partneritet të besueshëm me familjet, komunitetin dhe shkollën.

Fokusi ynë

Nga shërbimet e SOS Kopshtit përfitojnë:

1. Fmëijët e SOS Fshatit të fëmijëve.
2. Fëmijë të komunitetit nga familje me varfëri sociale dhe ekonomike që përfitojne nga programi i bursave.
3. Fëmijë në risk për të humbur kujdesin prindëror (Programi i Fuqizimit të Familjes),
4. Fëmijë me nevoja të veçanta
5. Fëmijë të cilët paguajnë shërbimin e SOS Kopshtit.

Prioritetet tona

1.       Të ruajmë edhe rrisim cilësinë  e edukimit, të të gjithë  fëmijëve që përfitojnnë nga shërbimet e SOS Kopshëtit..

2.       Të zgjerojme kontributin e kopshëtit duke ofruar alternativa dhe shërbime të reja për grupet në nevojë.

3.       Zhvillimi i kapaciteteve të edukatorëve  në përputhje me kërkesat e  programeve të reja që do të ofrohen.    

Programet edukative

SOS Kopështi përdor metodologji edukative duke patur parasysh rëndësinë e arsimit parashkollor në formimin e personalitetit të fëmijëve dhe duke u bazuar në programet e hartuara nga Ministria e Arsimit dhe  Shkencës si dhe instituti i Kurrikulave dhe Standarteve.

Në bazë të grupmoshës së fëmijëve hartohen programme të specializuara edukimi në përputhje me parametrat e tyre moshorë.

Metolodogjia jonë :

• Mësimi nëpërmjet lojës – sistemi i Froebelit
• Sistemi i Montessorit dhe i mësuari i aftësive dhe njohurive nëpërmjet aktiviteteve të përditshme
• Metoda ‘Hap pas hapi’ dhe qendrat e fëmijëve
• Projekte individuale edukimi në pëputhje me nevojat dhe interesat e fëmjës.

Mjediset e kopështit janë përshtatur për të konkretizuar këtë filozofi edukimi.

Vlerat e edukimit të kopështit tonë janë ofrimi i një atmosfere ku fëmijët të ndihen të sigurt dhe shihen si pjesë e atmosferës familjare, ofrimi i një edukimi i cili zhvillon aftësitë, talentet dhe prirjet personale duke konsideruar stadin e zhvillimit individuale të çdo fëmije si dhe sigurimi i parapërgatitjes sociale dhe teorike për shkollë..

Aktivitete edukative me fëmijët

Me fëmijët e SOS kopshtit zhvillohen edhe projekte dhe programe të veçanta edukimi  në bazë të interesave të fëmijëve.(Lexo me tepër te rubrika “ Aktivitete edukative)  

Ne i japim rëndësi zhvillimit të aktiviteteve në natyrë si dhe lojrave psiko-dramatike që ndikojnë cilësisht në zhvillimin e fëmijës.

Një fokus të veçantë në punën tonë është edhe celebrimi i festave dhe zhvillimi i aktiviteteve argëtuese me fëmijët dhe pjesëmarrjen e prindërve.

Stafi

Stafi i SOS kopështit përbëhet nga edukatorë të specializuar dhe me eksperiencë.

Aktualisht stafi ynë përbëhet nga Drejtoresha e Kopështit dhe 10 edukatore të specializuara në punën me fëmijët.

Grupet e fëmijëve

Me një kapacitet maksimal për 115 fëmijë në SOS kopësht funksionojnë 4 grupe fëmijësh të ndarë në 3 vjeç, 4 vjeç, 5 vjeç dhe 6 vjeç.

Një grup përbëhet nga 20-25 fëmijë në përkudesjen e disa edukatoreve.

Dhomat e fëmijëve

Dhomat e fëmijëve janë ambjente të përshtatura dhe optimale për mirërritjen e zhvillimit të fëmijëve.

Te ne ju do të gjeni ambjente të përshtatshme për zhvillimin e programit edukativ, zbatimit të etikës së ushqimit dhe gjumit.

Menuja ushqimore

SOS kopështi ofron një meny të specializuar ushqimi për fëmijët, të hartuar nga dietolog dhe pediatër, në bazë të kalorive dhe cilësive ushqimore të nevojshme për zhvillimin e fëmijëve sipas grupmoshës së tyre.

Si të regjistrohemi në SOS kopësht?

Regjstrimi në kopështin SOS bëhet nëpërmjet një aplikimi i cili plotësohet në fund të vitit shkollor. Marrëdhëniet prindër-kopësht realizohen nëpërmjet një kontrate e cila firmoset nga të dyja palët në fillim të vitit shkollor.

Kopështi ofron që me stafin e vet të kryejë shërbimin arsimor për një vit të plotë shkollor si dhe nëpërmjet mencës ofron shëribimin e  ushqimit gjatë gjithë periudhës.

Kopështi merr përsipër të sigurojë cilësinë  e programit mësimor- edukativ, të respektojë të drejtat e fëmijëve të konfirmuara sipas dokumentave të rëndësishme ndërkombetare që janë ratifikuar nga shteti shqiptar, të japë ndihmën e shpejtë në rast nevoje.

Tarifa e shërbimit

Fëmija paguan një vlerë mujore prej 8.500 lekë ne muaj. Vlera e kësaj tarife nuk do të jetë më e larte se 80% e kostos operative të nevojshme për realizimin e shërbimit të lartpërmendur.

Vendndodhja

SOS Kopështi ndodhet pranë SOS Fshatit të Fëmijëve, në zonën e Saukut.

Kontakt

Gentiana Dollia

Drejtor i SOS Kopështit

Tel: +355 354 882

Email: Kjo adresë e-mail-i është e mbrojtur nga spam bots, duhet të aktivizoni Java skriptet për të parë atë