SOS Fshati i Fëmijëve përbën formën e përkujdesit shtëpi familje. Gjithshka te ne ndodh si  në një familje. Fëmijët jetojnë me nënën SOS,  motrat dhe vellezërit në komunitetin SOS.

Parimet

1.      Nëna – Çdo fëmijë ka një prind që kujdeset

Nëna SOS krijon lidhje të ngushta me çdo fëmijë që i është besuar asaj dhe u ofron atyre sigurinë, dashurinë dhe stabilitetin për të cilin çdo fëmijë ka nevojë. Si një profesioniste e kujdesit për fëmijë, ajo jeton me to, drejton zhvillimin dhe edukimin e tyre dhe menaxhon shtëpinë – familje në mënyrë të pavarur duke njohur prejardhjen familjare, rrënjët kulturore dhe besimin fetar të çdo fëmije.

2.      Motrat dhe Vëllezërit – Lidhjet familjare krijohen natyrshëm

Vajzat dhe djemtë e moshave të ndryshme jetojnë si vëllezër dhe motra së bashku, me motrat dhe vëllezërit biologjikë që qëndrojnë gjithmonë bashkë në të njëjtën familje SOS. Këta fëmijë dhe nëna e tyre SOS ndërtojnë lidhje emocionale të përjetshme.

3.      Shtëpia – Çdo familje krijon shtëpinë e saj

Shtëpia është qendra e jetës familjare me atmosferën e saj unike, me ritmin dhe zakonet e saj. Nën strehën e saj, fëmijët gëzojnë një ndjenjë të vërtetë sigurie dhe përkatësie. Fëmijët rriten bashkë, mësojnë bashkë dhe ndajnë bashkë përgjegjësitë dhe detyrat, ashtu sikurse edhe të gjitha gëzimet dhe brengosjet e ditës.

4.      Fshati – Familja SOS është një pjesë e komunitetit

Familjet SOS jetojnë së bashku, duke formuar kështu një komunitet fshati që ofron një atmosferë ku fëmijët gëzojnë një fëmijëri të lumtur. Familjet shkëmbejnë eksperienca dhe ndihmojnë njëra tjetrën. Ato gjithashtu janë të integruara dhe japin kontributin e tyre në komunitetin lokal. Nëpërmjet familjes së tij ose të saj, nëpërmjet fshatit dhe komunitetit, çdo fëmijë mëson si të jetë një pjesëtar aktiv i shoqërisë. 

Roli i Nënës

Nëna SOS është tipari më dallues i organizatës tonë. Ajo është drejtuesja e Familjes SOS dhe është përgjegjëse për kujdesin dhe zhvillimin e secilit fëmijë që i është besuar asaj. Nënat SOS punojnë së bashku duke ndihmuar dhe mbështetur njëra-tjetrën. Ato zgjedhin një Nënë SOS si përfaqësuese të tyre brenda organizatës.

Përgjegjësitë kryesore të Nënës SOS janë të krijojë një shtëpi, të drejtojë mbajtjen e shtëpisë dhe familjes, të sigurojë mirëqënien e fëmijës duke luajtur rolin e prindit, të zvhillojë vetmirëqënien, të drejtojë fëmijët në marrjen e përgjegjësive si dhe të ndërveprojë me komunitetin  dhe të kontribuojë me të.

Fazat e Përkujdesjes

“… Për mendimin tim, nuk ka asgjë më të rëndësishme në botë se sa kujdesi për një fëmijë.”

Hermann Gmeiner

(Themeluesi i SOS Fshatrave të Fëmijëve)